8BitDo lanza un teclado inspirado na NES

O fabricante especializado en accesorios retro, 8BitDo, vén de abrir as reservas dun novo teclado mecánico cunha estética inspirada nas consolas clásicas de Nintendo, que pode conectarse a equipos informáticos e dispositivos móbiles por cable, Bluetooth ou un receptor sen fíos. Para completar este curioso teclado tamén se inclúen 2 botóns de grande tamaño, que poden programarse.
Este teclado integra unha batería recargable de 2.000 mAh que permite unhas 200 horas de uso con 4 horas de carga; as teclas poden extraerse de xeito doado; inclúe software para facilitar o seu mapeado de teclas; estará dispoñible con dous deseños distintos (coas cores da NES estadounidense e da xaponesa) a un prezo de 99,99 dólares.