A fibra de 10 Gbps de Movistar supón un incremento de prezo de 5/10 euros ao mes

Levamos unhas semanas pendentes do lanzamento comercial da fibra a 10 Gbps de Movistar, previsto para hoxe mesmo, cando por fin sabemos o prezo que terán estas novas tarifas. As novas condicións para particulares do servizos de conectividade miMovistar recollen que o servizo de fibra de ata 10 Gbps require dun router Smart WiFi 7 e o incremento da velocidade de 1 a 10 Gbps terá un sobre custo de 5 euros/mes para as modalidades Movistar Max, Movistar Ilimitado, Movistar Ilimitado x2, Movistar Ilimitado x4 e Movistar Autónomos, mentres que para os clientes de Movistar Base e Movistar Esencial o cargo sería de 10 euros/mes.
Lembran que para gozar destas conexións hai que empregar tarxetas de rede compatibles e cables Ethernet CAT6, CAT6A ou CAT7. No caso da Wi-Fi a velocidade sería moi variable, xa que depende tanto da saturación do sinal como das características da interface Wi-Fi do dispositivo conectado.