O LG Star podería ser o primeiro móbil con Android e procesador de dobre núcleo

Para quen pense que os móbiles actuais xa son potentes de máis pode resultarlles rechamante o último produto adiantado en primicia por Engadget, que resulta ser un novo móbil de LG, coñecido polo momento coma Star, que contará cun procesador de dobre núcleo, tecnoloxía nVIDIA Tegra 2, cámara de 8 Mpíxeles capaz de gravar vídeo a 1.080p, cámara frontal, pantalla de 4 polgadas, lector de tarxetas microSD e batería de 1.500 mAh, que sairá a primeiros de 2011 e estaría gravado co logotipo de Google, polo que podería ser un produto realmente emblemático, por ser o primeiro móbil con Android en contar cun procesador de dobre núcleo, o que abriría novas posibilidades tanto a nivel de hardware coma de software.