O sector forestal avanza na súa dixitalización
mércores, 27 de xaneiro do 2021
O director xeral de Planificación e Ordenación Forestal,
José Luis Chan, presidiu hoxe a xornada
de traballo en liña a prol da dixitalización do sector forestal, dentro
dunha estratexia que ten, entre outras finalidades, as de reducir custos e
mellorar a trazabilidade e eficiencia da cadea de subministro da madeira.
Neste evento, organizado pola ConsellerÃa do Medio Rural e
pola AMTEGA, xunto co Clúster da Madeira de Galicia, o director xeral presentou
os principais proxectos dixitais desenvolvidos ao longo dos dous últimos anos
polo seu departamento e adiantou tamén aqueles que se están a desenvolver
actualmente en coordinación coa AMTEGA.
AsÃ, José Luis Chan lembrou iniciativas como as plataformas
que facilitan os aproveitamentos madeireiros de xestión privada e tamén nos
montes xestionados por parte de Medio Rural. En relación con estes últimos
(xestionados pola ConsellerÃa), salientou a presentación telemática, as poxas
electrónicas ou o servizo web cartográfico. Referiuse ademais ao Rexistro de
empresas do sector forestal (Resfor), que entre outras cousas permite a
presentación de declaracións responsables. Asà mesmo, destacou a creación de
servizos web de consulta e outras funcionalidades, como a presentación
telemática de reinvestimentos en comunidades de montes veciñais en man común.
A continuación, presentouse o proxecto piloto FORTRA (Forest
Traceability), unha ferramenta dixital de carácter comercial que permite
informar a clientes e consumidores das caracterÃsticas diferenciais dun produto
baseado en madeira. Enmárcase nunha estratexia de valorización destes produtos
galegos, de forma que se distingan nos mercados nacionais e internacionais e
que se sitúen nunha posición vantaxosa, co conseguinte aumento da
competitividade do sector.
Proximidade e pegada de carbono negativa
Para iso, a ConsellerÃa do Medio Rural desenvolveu un
sistema de trazabilidade de orixe, transparente e público (baseado no uso da
tecnoloxÃa Blockchain). Este sistema, avalado pola Administración forestal,
permite presentar os produtos galegos baseados en madeira como produtos de
proximidade (quilómetro 0), cunha pegada de carbono negativa (absorbe CO2),
libres de deforestación, xestionados de forma sostible e, en determinados
casos, cun selo de certificación forestal (PEFC e/ou FSC).
Estas iniciativas forman parte das medidas de dixitalización
e valorización dos produtos galegos que incorporou o novo Plan Forestal de
Galicia 2021-2040 Cara á neutralidade carbónica, que actualmente se está
a debater no Parlamento de Galicia. Asemade, esta actuación está tamén contida
no Plan de Reactivación presentado o ano pasado pola ConsellerÃa do Medio
Rural.
Neste contexto, o director xeral de Planificación e
Ordenación Forestal da Xunta reafirmou nesta xornada de traballo que a
transición dixital e verde do sector forestal de Galicia está a ser un
obxectivo irrenunciable tanto para a ConsellerÃa do Medio Rural como para a AMTEGA.